ວັນວິສາຂະບູຊາໃນລາວປະຕິບັດຂຶ້ນເມື່ອໃດ ?

8 May

ການສະຫຼອງວັນວິຊາຂະບູຊາໃນລາວເຮົານີ້ ເຣີ່ມເຮັດຕອນໃດ ? ຫາກສັນນິຖານຕາມຫຼັກຖານທີ່ມີຢູ່ ເຮົາກໍມີຫຼັກຖານພໍຊອກຫາຂໍມູນໄດ້ ຄື.
໑. ສະໄໝອານາຈັກສຸວັນນະໂຄມຄຳ ແລະອານາຈັກຊຽງທອງຍຸກແຮກ ເພາະພຣະພຸດທະສາສະໜາ ເຂົ້າມາສູ່ລາວ ນັ້ນນັບແຕ່ສະໄໝອານາຈັກຊຽງທອງ ຍຸກແຮກ ເພາະເຮົາພົບຫຼັກຖານທາງພຣະພຸດທະສາສະ ໜາໃນອານາຈັກນີ້ຫຼາຍ ທີ່ສຳຄັນເຮົາພົບວ່າອານາຈັກສຸວັນນະໂຄມຄຳນັ້ນ ມີການພົວພັນກັບສິງຫົນ(ລັງກາ) ມາກ່ອນ ຈົນເຮັດໃຫ້ເຮົາເຫັນວ່າ ບາງຣາຊະວົງໄດ້ມີນາມວ່າສິງຫົນນະວັດ.
ຕາມການອ້າງອິງ ຂອງຫຼັກຖານຫຼາຍແຫ່ງເຫັນວ່າ ປີ ພ.ສ ໒໔໐ ພຣະເຈົ້າພາຕິກຸຣາດ ກະສັດຂອງລັງ ກາ(ສິງຫົນ) ໄດ້ສະຫຼອງບູຊາໃນວັນນີ້ຢ່າງມະໂຫລານ ກະສັດຂອງລັງກາຍຸກຫຼັງໆ ກໍໄດ້ປະຕິບັດສືບໆກັນມາ ເມື່ອພຸດທະສາສະໜາເຂົ້າມາສຸວັນນະໂຄມຄຳ ເຊິ່ງເປັນອານາຈັກຂອງຄົນລາວບູຮານ ໄດ້ຮັບເອົາອິດທິພົນ ທາງສາສະໜາແບບລັງກາໂດຍຜ່ານມາຈາກທາງເໜືອ ກ່ອນລ້ານຊ້າງ ກໍສັນນິຖານວ່າລາວເຮົາຕ້ອງໄດ້ຮັບໄດ້ ສະຫຼອງວິສາຂະມາກ່ອນແລ້ວ.
ເມື່ອລາວເຮົາຕັ້ງອານາຈັກລ້ານຊ້າງຍຸກແຮກ ສະໄໝຂຸນບູຣົມຣາຊາທິຣາຊ ໃນປະມານປີ ພ.ສ ໑໒໐໐ ນັ້ນການນັບຖືສາສະໜາ ອາດມີສອງກະແສຄື ນັບຖືແຖນ ແລະພຸດທະສາສະໜາຄູ່ກັນ ໃນເບື້ອງຕົ້ນ ການນັບຖື ພຸດທະສາສະໜາອາດຢ່ອນຍານລົງ ເພາະລາວເຮົາມີສາສະໜາແຖນເປັນສາສະໜາດັ້ງເດີມຢູ່ກ່ອນ ແຕ່ໃນໄລ ຍະຫຼັງໆ ກະສັດບາງພຣະອົງອາດຈະເຊື່ອຖືພຸດທະສາສະໜາແນ່ ກໍອາດມີການປະຕິບັດຕາມແນວທາງພຸດ ຜະສົມກັບແຖນສືບມາຈົນຮອດສະໄໝສຸວັນນະຄຳຜົງ, ຫຼັກຖານທາງເອກະສານຕອນນີ້ ເຮົາຍັງບໍ່ພົບ ແຕ່ເຮົາ ພົບຫຼັກຖານທາງພຣະພຸດທະຮູບສະໄໝກ່ອນສຸວັນນະຄຳຜົງຫຼວງຫຼາຍ ໃນລາວພາກເໜືອ ເຊັ່ນພຣະສິງ ໑-໕ ຕະຫຼອດພຣະສີຫິງທັງມວນ ເປັນພຣະພຸດທະຮູບກ່ອນລ້ານຊ້າງ ຊຽງທອງ ຈຶ່ງເຂົ້າໃຈວ່າການທຳບຸນສະຫຼອງ ວິສາຂະບູຊາ ອາດມີການປະຕິບັດກັນມາແຕ່ບັດນັ້ນ.
ນັບແຕ່ລ້ານຊ້າງຊຽງທອງ ສະໄໝພຣະເຈົ້າຟ້າງຸ່ມມະຫາຣາດເຮົາມີຫຼັກຖານຫຼາຍ ໃນການເຮັດບຸນ ຕ່າງໆໃນພຸດທະສາສະໜາ ເພາະເຮົາເຫັນຫຼັກຖານການຍົກເລີກພິທີກັມທາງສາສະໜາແຖນ ໃນສະໄໝພຣະ ເຈົ້າຟ້າງຸ່ມ, ພຣະເຈົ້າສາມແສນໄທ, ພຣະເຈົ້າວິຊຸນ ຈົນຮອດສະໄໝພຣະເຈົ້າໂພທິສາຣາດ ໃນສະໄໝຫຼັງໆນີ້ ເຮົາພົບຫຼັກຖານການອຸປະຖຳບຸຣຸງຂອງກະສັດລ້ານຊ້າງຕໍ່ພຸດທະສາສະໜາ ໃນທາງດຽວກັນກໍໄດ້ປະກາດຍົກ ເລີກການເຊື່ອຖືຜີ ແລະແຖນ ເມື່ອຍົກເລີກລັດທິໜຶ່ງ ກໍຕ້ອງສ້າງເອກະລັກໜຶ່ງມາແທນ ດ້ວຍເຫດນັ້ນ ເຮົາຈຶ່ງ ເຫັນ ຮີດ ໑໒ ແລະຄອງສິບສີ່ເປັນເຄື່ອງມີໃນການສ້າງວັດທະນະທັມລາວ ໃນນັ້ນການເຮັດບຸນ ວິສາຂະຈຶ່ງ ປະກົດໃນຮີດ ໑໒ ແລະຄົນລາວເຮົາ ກໍໄດ້ປະຕິບັດເລື້ອຍມາຈົນເປັນຮີດ ເມື່ອເຖິງນິ້ ຊາວພຸດລາວ ຈຶ່ງໄດ້ຕື່ນຕົວ ເຮັດບຸນວິສາຂະບູຊາມາຮອດບັດນີ້ ໂດຍບໍ່ໄດ້ນັດໝາຍກັນ.

ແຫຼ່ງຂໍ້ມູນ: www.bailane.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: