ຄຳເວົ້າດີໆ ທີ່ລູກຢາກໄດ້ຍິນຈາກພໍ່ແມ່

21 Jul

  ຫລາຍຄົນມັກເວົ້າວ່າ “ການກະທຳນັ້ນສຳຄັນກວ່າການເວົ້າ” ແຕ່ບາງຄົນກະທຳພຽງຢ່າງດຽວຈົນລືມຄຳເວົ້າໄປເລີຍ ກໍ່ມີໂດຍສະ ເພາະໃນຄອບຄົວດຽວກັນຜູ້ເປັນພໍ່ແມ່ກໍ່ຢາກໃຫ້ລູກບອກຮັກ, ກອດ, ຫອມແກ້ມ ຫລື ເວົ້າຄຳດີໆແຕ່ໃນທາງກັບກັນລູກກໍ່ມີຄວາມຕ້ອງ ການຄືກັບພໍ່ແມ່.

ດັງນັ້ນ ລອງມາເບິ່ງກັນວ່າ ຄຳເວົ້າດີໆທີ່ລູກຢາກໄດ້ຍິນຈາກພໍ່ແມ່ນັ້ນມີແນວໃດແດ່:

1. ພໍ່ແມ່ຮັກລູກຫລາຍເດີ້: ແນ່ນອນວ່າລູກຄືດວງໃຈຂອງພໍ່ແມ່ ແຕ່ການເບິ່ງຂ້າມຄຳເວົ້າງ່າຍໆແລະ ມີຄວາມຫມາຍຂະຫນາດນີ້ມັນ ກໍ່ເປັນສິ່ງທີ່ຜິດພາດທີ່ຍິ່ງໃຫຍ່ທີ່ສຸດເພາະຄົນຫລາຍຄົນບໍ່ມີໂອກາດທີ່ຈະບອກຮັກລູກໃນວິນາທີສຸດດ້ວຍຊ້ຳ.

2. ພໍ່ແມ່ພູມໃຈໃນຕົວລູກຫລາຍ: ອາດຈະມີບາງຢ່າງທີ່ລູກເຮັດໃຫ້ພໍ່ແມ່ ຮູ້ສຶກພູມໃຈເປັນພິເສດ ບໍ່ວ່າຈະເປັນການສະແດງຄວາມສຸ ພາບ, ມີນ້ຳໃຈ ຫລື ສະແດງຄວາມສາມາດພິເສດອື່ນໆ. ພໍ່ແມ່ຄວນຈະໃຊ້ເວລາດີໆ ບອກລູກວ່າ ຮູ້ສຶກພູມໃຈໃນຕົວລູກຫລາຍມັນ ອາດປ່ຽນເປັນພະລັງ ແລະ ກຳລັງໃຈໃຫ້ລູກກ້າວຕໍ່ໄປໃນວັນຕໍ່ຫນ້າ.

3. ພໍ່ແມ່ສະຫນັບສະຫນູນລູກສະເຫມີ: ບໍ່ຄວນເອົາລູກໄປປຽບທຽບກັບຕົວທ່ານຕອນສະໄຫມຍັງເປັນເດັກນ້ອຍ ຍ້ອນມຸມມອງທີ່ແຕກ ຕ່າງກັນລະຫວ່າງພໍ່ແມ່ກັບລູກຈະເຮັດໃຫ້ເກີດບັນຫາຮຸນແຮງໄດ້ຖ້າໄປບັງຄັບລູກຫລາຍລູກຈະຮູ້ສຶກບໍ່ມີຄວາມເປັນສ່ວນຕົວ ແລະ ອິດ ສະຫລະຈົນກາຍເປັນຄົນບໍ່ຫມັ້ນໃຈໃນຕົວເອງ.

4. ພໍ່ແມ່ເຊື່ອຫມັ້ນໃນຕົວລູກສະເຫມີ: ໄລຍະເວລາຫນຶ່ງໂດຍສະເພາະເມື່ອລູກກ້າວເຂົ້າສູ່ໄວຫນຸ່ມຄວາມປ່ຽນ ແປງຫລາຍໆຢ່າງ ເຂົ້າ ມາຈົນພໍ່ແມ່ຮັບບໍ່ໄດ້ລູກອາດສູນເສຍຄວາມຫມັ້ນໃຈໃນການຕັດສິນໃຈ ຫລື ລົງມືເຮັດສິ່ງໃດສິ່ງຫນຶ່ງ ທ່ານລອງຖາມຕົວເອງເບິ່ງວ່າ ເຄີຍສະຫລະເວລາບອກລູກຫລືບໍ່ວ່າ ພໍ່ກັບແມ່ເຊື່ອຫມັ້ນໃນຕົວລູກຫລາຍຊ່ຳໃດບໍ່ວ່າຈະເກີດຫຍັງຂຶ້ນພໍ່ແມ່ກໍ່ຈະຢູ່ຂ້າງລູກສະເຫມີ.

5. ພໍ່ແມ່ຂໍໂທດ: ບາງຄັ້ງການຂໍໂທດມັນເປັນສິ່ງທີ່ຍາກທີ່ສຸດທີ່ຈະເວົ້າຄໍາວ່າຂໍໂທດຈາກພໍ່ແມ່ນັ້ນລູກເອງກໍ່ຄວນມີເຫດຜົນ ແລະ ຮູ້ ຈັກບາບບຸນຄຸນໂທດນຳເພາະລູກບໍ່ມີສິດທີ່ຈະຖຽງຄວາມພໍ່ແມ່, ການທີ່ພໍ່ແມ່ກ່າວຄຳຂໍໂທດລູກເມື່ອເຮັດຜິດນັ້ນ ບໍ່ໄດ້ຫມາຍຄວາມວ່າ ລູກດູຖູກຄວາມ ເປັນພໍ່ແມ່ໃນທາງກັບກັນການທີ່ພໍ່ແມ່ຍອມຮັບ ແລະ ກ້າເວົ້າຂໍໂທດນັ້ນ ມັນຍິ່ງເຮັດໃຫ້ທຸກຄົນຮຽນຮູ້ທີ່ຈະເຄົາລົບຕົວ ເອງ ແລະ ຍອມຮັບໃນສິ່ງທີ່ຕົນເຮັດລົງໄປ.

ທີ່ມາ: http://ecom.org.la/news.php?col=12&id=4825

ນັ່ງ​ໃຊ້​ຄອມ​ພິວ​ເຕີ​ດົນ​ເກີນ​ໄປ ສົ່ງ​ຜົນ​ກະທົບ​ຕໍ່​ສຸຂະພາບ

21 Jul

ນັກວິ​ໄຈ​ທາງ​ການ​ແພດ ພົບ​ວ່າ ອາການ​ເລືອດ​ແຂງ​ຕົວ​ເປັນ​ກ້ອນ​ຂອງ​ຄົນ​ເຈັບ​ທີ່​ມີ​ອາການ​ໃກ້​ຈະ ​ເສຍ​ຊີວິດ​ລາຍ​ຫນຶ່ງ​ມີ​ສາ​ ເຫດ​ມາ​ ຈາກ​ການ​ທີ່​ໃຊ້​ເວ ລາ​ນັ່ງ ​ເຮັດ​ວຽກຢ່າງ​ຕໍ່​ເນື່ອງ​ກັບ​ຄອມ​ພິວ​ເຕີ​ດົນ​ນາ​ເກີນ​ໄປ ​ໂດຍ​ບໍ່​ໄດ້​ມີ​ການ​ເຄື່ອນ​ເຫນັງ​ຮ່າງກາຍ ຫລື ລຸກ​ອອກ​ໄປ​ ທາງ​ ໃດເລີຍ ທັງ​ນີ້​ກໍ່ເພາະວ່າ ຄອມ​ພິວ​ເຕີ​ ສາມາດ​ ເຮັດ​ໃຫ້​ຄົນ​ຕາຍ​ໄດ້, ​ແຕ່​ກໍ​ບໍ່​ໄດ້​ຫມາຍ​ເຖິງ​ນັກ​ຫລິ້ນ​ເກ​ມ ທີ່​ຕາຍ​ຕໍ່ຫນ້າ​ເຄື່ອງ​ຄອມ​ ພິວ ​ເຕີ​ຫລັງ​ຈາກ​ອົດ​ອາຫານ​ແລະນ້ຳຕໍ່​ເນື່ອງ​ເປັນ​ເວລາ​ຫລາຍ​ວັນ,​ແຕ່​ຫມາຍ​ ເຖິງ​ຜູ້​ໃດ​ກໍ​ຕາມ ​ທີ່​ຈະ​ໄດ້​ຮັບ ​ຜົນ​ກະທົບ​ຈາກ​ ການ​ ໃຊ້​​ເວ ລາ​ຫລາຍ​ຊົ່ວ​ໂມງ ຢູ່​ຕໍ່ຫນ້າ​ໂຕະ​ຄອມ​ພິວ​ເຕີ.
ນັກວິ​ໄຈ​ ປະ​ເທດ​ນິວຊີ​ແລນ ພົບ​ເຫັນ​ວ່າການ​ນັ່ງ​ເຮັດ​ວຽກກັບ​ຄອມ​ພິວ​ເຕີ​ເປັນ​ເວລາ ​ຫລາຍ ຊົ່ວ​ໂມງ ອາດ​ຈະ​ເຮັດ​ໃຫ້​ເລືອດ​ແຂງ​ຕົວ ​ເປັນ​ກ້ອນ ຊຶ່ງ​ເປັນ​ອັນຕະ ລາຍ​ແລະ​ ສາ ມາດ ​ເສຍ​ຊິວິດ​ໄດ້ ຊຶ່ງ​ມີ​ລັກສະນະ​ຄ້າຍຄື​ກັນ​ກັບ​ການ​ເກີດ​ອາການ​ທີ່​ເອີ້ນກັນ​ວ່າ DEEP VEIN THROMBOSIS ທີ່​ເກີດ​ຈາກ​ການ​ນັ່ງ​ເຮືອບິນ​ ໃນ​ໄລຍະ​ທາງ​ໄກໆ​ໂດຍ​ ສະ ​ເພາະ ​ຊັ້ນທີ່​ນັ່ງ​ມີ​ລາຄາ​ປະຢັດ​ບາງທີ ເອີ້ນອາການ​ນີ້ ວ່າ ECONOMY CLASS SYSDROME. ຄວາມ​ເປັນ​ຈິງ​ກ່ຽວກັບ​ເລື່ອງ​ນີ້ ຖືກ​ ຄົ້ນພົບ​ໂດຍ ນັກວິ​ໄຈ​ທີ່​ໄດ້​ຂໍ້​ມູນ​ວ່າ ຜູ້​ຊາຍ​ໃນ​ໄວ​ອາຍຸ 32 ປີ ຄົນ​ຫນຶ່ງ ຊຶ່ງ​ໄດ້​ນັ່ງ​ເຮັດ​ວຽກຢູ່​ຕໍ່ຫນ້າ​ຄອມ​ພິວ​ເຕີ​ປະມານ 18 ຊົ່ວ​ໂມງ​ຕໍ່ວັນ ຊຶ່ງ​ມີ​ອາການ​ບໍ່ຮູ້ສຶກ​ຕົວ ​ເນື່ອງ​ຈາກ​ເກີດ​ມີອາການ​ເລືອດ ​ແຂງ​ຕົວ​ເປັນ​ກ້ອນ​ໂດຍ​ກ້ອນ​ເລືອດ​ທີ່​ເກີດ​ຂຶ້ນນີ້ຈະ​ຢູ່​ໃນ​ບໍລິ​ເວນ​ຂາ​ ຂອງ​ລາວເອງ ກ່ອນ​ທີ່​ ຈະ ​ແຕກ​ກະຈາຍ ​ແລະ ​ແລ່ນ​ໄປ​ໃສ່​ ປອດ​ທັງ​ສອງ​ເບື້ອງຂອງ​ລາວ​ອີກ​ເທື່ອ​ຫນຶ່ງ ຊຶ່ງ​ອາການ​ນີ້​ເອີ້ນວ່າ DEEP VEIN THROMBOSIS, ທັງ​ນີ້ ຈະ​ເກີດ​ ຂຶ້ນ​ເມື່ອ​ເວລາ​ມີ​ ເລືອດ​ ຂຸ້ນ​ຢູ່​ໃນ​ເສັ້ນ​ເລືອດ​ດຳ ຊຶ່ງ​ມັນ​ຈະ​ຄ່ອຍໆ ປ່ຽນຕົວ​ມັນ​ເອງ​ໄປ​ເປັນ​ກ້ອນ​ເລືອດ.
ຈະ​ສາມາດ​ສັງ​ເກດ​​ເຫັນ​ໄດ້​ຢ່າງ​ຈະ​ແຈ້ງ​ຄື: ຂາຈະ​ເລີ່​ມມີ​ອາການ​ບວມ, ສ່ວນ​ອາການ​ທີ່​ອັນຕະລາຍ​ຈະ​ເກີດ​ຂຶ້ນ ​ເມື່ອ​ມີ​ເລືອດ​ແຕກ ​ອອກ ​ແລະ ​ແລ່ນ​ໄປ​ເຖິງ ​ຫົວ ​ໃຈ ຫລື ອະ​ໄວ​ຍະ​ວະ​ພາຍ​ໃນ​ທີ່​ສຳຄັນ ຂອງ​ຮ່າງກາຍ ຊຶ່ງ​ອາການ​ດັ່ງກ່າວ​ນີ້ບໍ່ສາມາດ​ຄາດ​ຄະ​ເນ​ ຫລື ເດົາ​ເອົາ​ໄດ້.
ມີ​ຂໍ້​ແນະນຳ​ຂອງ​ທາງ​ການ​ແພດ ຊຶ່ງນອກຈາກທີ່​ຈະ​ບໍ່ຄວນ​ນັ່ງ​ເຮັດ​ວຽກ ຫລື ຫລິ້ນຄອມ​ພິວ​ເຕີ​ດົນ​ນານ​ຈົນ​ເກີນ​ໄປ​ແລ້ວ, ຖ້າ​ຫລີກ ​ເວັ້ນ ບໍ່​ໄດ້ ໃນ​ຂະນະ ​ທີ່​ຮູ້​ສຶກ ວ່າ​ນັ່ງ​ດົນ​ນານ​ແລ້ວ ​ໃຫ້​ພະຍາຍາມ ​ເຫນັງ​ຕີງ ​ແລະ ​ເຄື່ອນ​ໄຫວ​ຂໍ້​ຕີນ​ຂໍ້ມື ພ້ອມ​ທັງ​ດື່ມນ້ຳ , ​ແຕ່​ບໍ່ຄວນ​ດື່ມ ​ເຫລົ້າ. ນອກຈາກ​ນີ້, ຜູ້​ທີ່​ໃຊ້​ຄອມ​ພິວ​ເຕີ​ທີ່​ນັ່ງ​ດົນ​ນານ ກໍ​ຄວນ​ຈະ​ລຸກຂຶ້ນ ແລະ ຢຽດຂາ ​ເທື່ອ​ລະ​ຊົ່ວ​ໂມງ. ການ​ນັ່ງ​ເຮັດ​ວຽກດ້ວຍ​ຄອມ ​ພິວ​ເຕີ ຢູ່​ໃນ​ທ່າ​ທາງ​ທີ່​ຖືກຕ້ອງ ຈະ​ເຮັດ​ໃຫ້​ສາມາດ​ຫລຸດຜ່ອນ​ຄວາມ​ສ່ຽງລົງ​ໄດ້, ​ແຕ່​ຊ່ຽວຊານ​ບາງ​ທ່ານ​ຍັງ​ໃຫ້​ຂໍ້​ສັງ​ເກດ​ວ່າ ຜູ້​ທີ່​ນຳ ​ໃຊ້​ຄອມ​ພິວ​ເຕີໂນ​ດບຸກ ຈະ​ມີ​ຄວາມ​ສ່ຽງຕໍ່ອາການ​ຜິດ​ປົກກະຕິ 2​ ​ເທື່ອ​ໂດຍ​ສະ​ເພາະ​ຜູ້​ທີ່​ຕ້ອງ​ ໄດ້​ນັ່ງ​ເຮັດ​ວຽກ ດ້ວຍ​ໂນດ ບູກ​ໃນ​ຊັ້ນທີ່​ນັ່ງ​ ລາຄາ​ປະຢັດ​ຢູ່ເທິງເຮືອບິນ.

ທີ່ມາ: www.kpl.net.la

ຜົວມີໜ້າທີ່ຕໍ່ເມຍແນວໃດ? ຈະເຮັດໃຫ້ຄອບຄົວມີຄວາມສຸກ

20 Jul

ຄຳວ່າ ຄອບຄົວ ແມ່ນພື້ນຖານຂອງສັງຄົມໜຶ່ງ ຢູ່ໃນຄອບຄົວໜຶ່ງ ປະກອບມີ ພໍ່-ແມ່ ແລະ ລູກ ທຸກໆຄົນໃນຄອບຄົວ ກໍຈະມີຄວາມເປັນເອກະພາບ ເທົ່າທຽມກັນ ແລະ ມີໜ້າທີ່ປະຕິບັດຕໍ່ກັນ ລະຫວ່າງ ພໍ່-ແມ່ ກໍຄື ຜົວ-ເມຍ ເພື່ອຄວາມຢູ່ດີກິນດີຂອງຄອບຄົວ ແລະ ເພື່ອຢູ່ຮ່ວມກັນ ຢ່າງມີຄວາມສຸກ ກໍຕໍ່ເມື່ອທຸກຄົນໃຫ້ກຽດເຊິ່ງກັນ ແລະ ກັນ ໂດຍສະເພາະແມ່ນ ຜູ້ເປັນຜົວ ຕ້ອງໃຫ້ກຽດເມຍເປັນພິເສດ ເພາະເມຍຄືຫົວໃຈຫຼັກຂອງຜົວ ແລະ ເປັນຄົນພິເສດທີ່ສຸດຂອງຜົວ.

ກ່ອນຈະມາເປັນຄູ່ຜົວເມຍກັນໄດ້ ຍິງ-ຊາຍ ແມ່ນຢູ່ຄົນລະທິດທາງກັນ ບໍ່ແມ່ນສາຍຍາດພີ່ນ້ອງກັນ ບໍ່ເຄີຍເຫັນໜ້າກັນມາກ່ອນ ແຕ່ເມື່ອໄດ້ມາພົບກັນ ກໍຕ້ອງຜ່ານຊີວິດຂອງຄວາມຮັກ ຄວາມຜູກພັນ ຄວາມເຫັນອົກເຫັນໃຈ ແລະ ຄວາມເຂົ້າໃຈ ຮັກໄຄ່ເຊິ່ງກັນ ແລະ ກັນ ຈຶ່ງມີການໂອ້ລົມກັນ ຈົນເປັນຄູ່ຜົວ-ເມຍກັນ ແຕ່ຄວາມຮັກນັ້ນ ຕ້ອງຊາບຊຶມເຂົ້າເຖິງຫົວໃຈ ບໍ່ແມ່ນຄວາມຮັກແບບສັນພີ່ນ້ອງ ຫຼື ພໍ່ແມ່ ເຊິ່ງເປັນຄວາມຮັກທີ່ຢູ່ຮ່ວມກັນ ແລະ ໃຫ້ຄວາມສຸກແກ່ກັນໄດ້ ເມື່ອຢູ່ຮ່ວມກັນເປັນຄູ່ຜົວ-ເມຍ ເປັນຄອບຄົວກັນແລ້ວ ກໍຕ້ອງມີການຊ່ວຍກັນ ສ້າງສາພັດທະນາ ເພື່ອເຮັດໃຫ້ຄອບຄົວ ມີຄວາມສຸກ ຈະເຮັດຫຍັງ ຈະໄປໃສ ກໍຕ້ອງມີການປຶກສາຫາລື ບອກແຈ້ງໃຫ້ກັນ ອ້າຍຮູ້ສອງ ນ້ອງຮູ້ໜຶ່ງ ເພື່ອຄວາມໂປ່ງໃສ ໄວ້ເນື້ອເຊື່ອໃຈເຊິ່ງກັນ ແລະ ກັນ ບໍ່ໃຫ້ຄິດ ບໍ່ໃຫ້ເວົ້າ ບໍ່ໃຫ້ກະທຳ ໃນສິ່ງທີ່ມາກະທົບຈິດໃຈກັນ ໂດຍສະເພາະແມ່ນ ຜູ້ເປັນຜົວ ຕ້ອງປະຕິບັດ 3 ດີ 2 ໜ້າທີ່ຄື: ດີອັນທີ 1 ໝາຍເຖິງເປັນຜົວທີ່ດີຂອງເມຍ ດີອັນທີ 2 ເປັນພໍ່ທີ່ດີຂອງລູກ ດີອັນທີ 3 ເປັນຫົວໜ້າທີ່ດີຂອງຄອບຄົວ ແລະ 2 ໜ້າທີ່ຄື: ໜ້າທີ 1 ຮັບຜິດຊອບຄວາມເປັນພໍ່ ໜ້​າທີ 2 ຮັບຜິດຊອບຄວາມເປັນຫົວໜ້າຄອບຄົວຄື ຕ້ອງເອົາໃຈໃສ່ ສ້າງສາພັດທະນາຄອບຄົວ ໃຫ້ມີຄວາມຢູ່ດີກິນດີ ບໍ່ຄິດນອກໃຈລູກໃຈເມຍ ການສ້າງຄອບຄົວນັ້ນ ແມ່ນເປັນສິ່ງທີ່ຍາກທີ່ສຸດ ບູຮານຈຶ່ງເວົ້າວ່າ ການສ້າງເປັນພໍ່ນັ້ນງ່າຍ ແຕ່ກໍ່ໃຫ້ເປັນເຮືອນນັ້ນຍາກ ເພາະວ່າການເອົາລູກເອົາເມຍນັ້ນງ່າຍ ຈະເອົາມື້ໃດກໍໄດ້ ແຕ່ຖ້າເອົາມາແລ້ວ ຈະເປັນຜູ້ມາລ້ຽງດູເຂົາ ຈະເປັນຜູ້ຮັບຜິດຊອບຫົວໜ້າຄອບຄົວນັ້ນ ແມ່ນຍາກຫຼາຍ ຕ້ອງຮັບພາລະໜ້າທີ່ທຸກຢ່າງ.

ໃນທາງພຸດທະສາດສະໜາ ກໍໄດ້ສອນໄວ້ວ່າ ຜູ້ເປັນຜົວ ຄວນປະຕິບັດຕໍ່ເມຍ 5 ຢ່າງຄື:

1. ເວລາເວົ້າລົມກັບເມຍ ໃຫ້ສຸພາບອ່ອນຫວານ ບໍ່ເວົ້າຮ້າຍ ຫຼື ດ່າເມຍ ໃຫ້ຍົກຍ້ອງເມຍຂອງຕົນເອງ ແລະ ຮັບຮອງເອົາວ່າ ເປັນເມຍຂອງຕົນ ຕາມໂອກາດທີ່ສົມຄວນ ຄືໃນຂໍ້ນີ້ ທີ່ເຮົາເຫັນຜູ້ຊາຍບາງຄົນ ເມື່ອໄປພົບໝູ່ເພື່ອນ ຫຼື ເພດກົງກັນຂ້າມ ກໍມັກເວົ້າວ່າ ນັ້ນຄືໝູ່ ຫຼື ນ້ອງສາວຂອງເຮົາ ເປັນຕົ້ນ.

2. ບໍ່ດູໝິ່ນດູຖູກເມຍ ວ່າເປັນຄົນຮັບໃຊ້ ແລະ ບໍ່ສະແດງກິລິຍາແນວໃດແນວໜຶ່ງຕໍ່ເມຍ ເຊິ່ງເປັນການໝິ່ນປະມາດ ເຊັ່ນ: ເວົ້າວ່າເມຍເຮັດຫຍັງບໍ່ເປັນ ເປັນຄົນໂງ່ຈ້າຫຼ້າຫຼັງ ບໍ່ສະຫຼາດ ແລະ ຮ້າຍດ່າເມຍແນວນັ້ນ ແນວນີ້ ເປັນຕົ້ນ.

3. ບໍ່ປະພຶດນອກໃຈເມຍຂອງຕົນ ບໍ່ໃຫ້ລັກຫຼິ້ນຊູ້ກັບຜູ້ຍິງຄົນອື່ນ ເຊັ່ນ: ຜູ້ຊາຍຫຼາຍຄົນ ເມື່ອຢູ່ຫ່າງໄກເມຍ ຫຼື ເວລາໄປທ່ຽວຫຼິ້ນກັບໝູ່ເພື່ອນ ເມື່ອໄດ້ພົບເຫັນຍິງສາວງາມ ກໍມັກຈະຄິດນອກໃຈລູກໃຈເມຍ ນີ້ເປັນສິ່ງທີ່ບໍ່ດີ ເຮັດໃຫ້ຄອບຄົວແຕກແຍກກັນໄດ້.

4. ຍົກຍ້ອງເມຍ ໃຫ້ເປັນຄົນສຳຄັນໃນເຮືອນ ມອບສິດທຸກຢ່າງໃນເຮືອນ ໃຫ້ເມຍເປັນເຈົ້າຂອງ ເຊັ່ນ: ເງິນ-ຄຳທີ່ຫາມາໄດ້ ຕ້ອງມອບໃຫ້ເມຍ ເປັນຜູ້ເກັບຮັກສາ ເປັນຕົ້ນ.

5. ຊອກຫາສິ່ງຂອງມີຄ່າມາໃຫ້ເມຍ ເຊັ່ນ: ເຄື່ອງຕົກແຕ່ງປະດັບປະດາ ສຳລັບຜູ້ຍິງ ເວລາມາຈາກທີ່ອື່ນທາງໄກ ຕ້ອງມີສິ່ງຂອງມາຝາກ ເພື່ອໃຫ້ກຳລັງໃຈແກ່ເມຍ ແລະ ເປັນການສະແດງຄວາມສັດຊື່ຕໍ່ເມຍ.

ໜ້າທີ່ຂອງຜົວທີ່ມີຕໍ່ເມຍ ຜົວຕ້ອງເປັນຄົນໃຈເຢັນ ເວລາຜິດໃຈກັນ ຜົວຕ້ອງໃຫ້ອະໄພ ເມຍເປັນໄຟ ຜົວຕ້ອງເປັນນ້ຳ ບໍ່ແມ່ນເມຍເປັນໄຟ ຜົວເປັນນ້ຳມັນ ກໍຈະເຮັດໃຫ້ຄອບຄົວແຕກຫັກກັນໄດ້ ສະນັ້ນ ຖ້າຄອບຄົວໃດ ຫາກມີບັນຫາຢູ່ ລອງອ່ານ ແລະ ພິຈາລະນາ ນຳໄປໃຊ້ຈະເກີດປະໂຫຍດ ແກ່ຄອບຄົວໄດ້ ເພາະວ່າຄອບຄົວນັ້ນ ເປັນຈຸດສຳຄັນຂອງການດຳລົງຊີວິດ ຖ້າຄອບຄົວມີຄວາມສະຫງົບ ຊີວິດກໍມີຄວາມສຸກ ແລະ ເຮັດໃຫ້ລູກເຕົ້າ ມີອະນາຄົດອັນສົດໃສ.

ທີ່ມາ: www.vientianemai.net

ເບິ່ງແຍງ​ຮັກ​ແຮ້ຈັ່ງ​ໃດ​ບໍ່​ໃຫ້​ດຳ

16 Jul

ຮັກ​ແຮ້ດຳ​​ແຫຼ້ ເປັນ​ບັນຫາ​ໃກ້​ໆ ຕົວ​ ທີ່​ເຮັດໃຫ້​ຫຼາຍຄົນ​ກັງ​ວົນ​ໃຈ ແລະ​ບໍ່​ກ້າ​ທີ່​ຈະ​ນຸ່ງ​ເຄື່ອງ​ເປີດ​ກ້ອງ​ແຂນ​ງາມ​ໆ​ເລີຍ​ກໍ​ໄດ້ ໃຜ​ທີ່​ກຳ​ລັງ​ພົບ​ກັບ​ບັນຫາ​ນີ້​ຢູ່ ມາ​ອ່ານ​ນຳ​ກັນ:

– ຫລີກ​ລ້ຽງ​ການ​ເຊັດ​ຖູ​ແຮງ​ໆ ບໍລິເວນ​ຜິວຮັກ​ແຮ້.

– ຢຸດ​ໃຊ້​ສານ​ເຄ​ມີ​ທີ່​ເຮັດໃຫ້​ເກີດ​ການ​ລະ​ຄາຍ​ເຄືອງ​ຫລື​ພ່າຍແພ້ ເຊັ່ນ ຖ້າ​ພ່າຍແພ້​ນ້ຳ​ຫອມ ກໍ​ຄວນ​ປ່ຽນ​ໄປ​ໃຊ້​ໂລອອນ​ຊະນິດ​ທີ່​ບໍ່​ມີ​ສານ​ສ້າງ​ກິ່ນ​ຫອມ​ທີ່​ລະ​ບຸ​ ວ່າ “Fragrance-Free” ໂດຍ​ສັງເກດ​ສ່ວນ​ປະກອບ​ສຳຄັນ​ເທິງ​ສະ​ຫລາກ ຖ້າຫາກ​ມີ​ຊື່​ສານ​ທີ່​ພ່າຍແພ້ ຄວນ​ຫລີກ​ລ້ຽງ​ໄປ​ໃຊ້​ຢາ​ລະ​ງັບ​ກິ່ນ​ແບບ​ອື່ນ​ແທນ.

– ຖ້າ​ເກີດ​ອາການ​ດຳ​ຫລາຍ​ຫລື​ອາການ​ບໍ່​ດີ​ຂຶ້ນ​ໃຫ້​ປຶກ​ສາ​ແພດ​ທັນ​ທີ.

– ຫັນ​ມາ​ລອງ​ໃຊ້​ສູ​ດສະໝຸນ​ໄພ​ທຳມະຊາດ ເພື່ອ​ຊ່ວຍ​ໃຫ້​ໃຕ້​ວົງ​ແຂນ​ຂາວ​ນຽນ​ດີກວ່າ​.

– ໝາກ​ຂາມ ແນະ​ນຳ​ໃຫ້​ໃຊ້​ໝາກ​ຂາມ​ປຽກ​ປະສົມ​ກັບ​ນ້ຳ​ເຜິ້ງໜ້ອຍ​ໜຶ່ງ​ມາ​ທາປະ​ໄວ້ 5 ນາ​ທີ ແລ້ວ​ລ້າງ​ອອກ​ນອກ​ຈາກ​ຈະ​ເຮັດໃຫ້​ຜິວ​ຂາວ​ໃສ​ແລ້ວ ຍັງ​ຊ່ວຍ​ໃຫ້​ຜິວ​ນຽນ​ນຸ່ມ​ໄດ້​ອີກ.

– ໝາກ​ນາວ ​ເອົາ​ໝາກນາວ​ມາ​ຖູ​ຮັກ​ແຮ້​ຖິ້ມ​ໄວ້ 2-3 ນາ​ທີ ແລ້ວ​ລ້າງ​ອອກ ສ່ວນ​ໝາກ​ນາວ​ທີ່​ເຫລືອ​ຍັງ​ໃຊ້​ຖູ​ຕາມ​ຂໍ້​ພັບ ຫົວ​ເຂົ່າ ແລະ​ແຂນສອກ​ທີ່​ດຳໆ ໄດ້​ອີກ​ດ້ວຍ.

– ເກືອສະ​ປາ ໃຊ້​ເກືອ​ຂັດ​ຜິວ​ຖູ​ຄ່ອຍໆ ເນັ້ນ​ວ່າ​ຄ່ອຍໆ ບໍ່​ເຊັ່ນ​ນັ້ນ​ເກືອ​ອາດຈະ​ບາດ​ຮັກ​ແຮ້​​ໄດ້. ວິທີ​ທີ່​ແນະ​ນຳ​ບໍ່​ຍາກຈົນ​ເກີນ​ໄປ​ແມ່ນ​ບໍ ລອງ​​ເອົາໄປ​ປະຕິບັດ​​ເບິ່ງ​ໄດ້ ເພື່ອ​ວົງ​ແຂນ​ທີ່​ຂາວ​ນຽນ.

ທີ່ມາ: http://sansouk.com/

ຫລັກການອອກກຳລັງກາຍໃນເວລາຖືພາ

25 Jun

ຫລັກການສຳຄັນຂອງການອອກກຳລັງກາຍໃນເວລາຖືພາ ໄດ້ແກ່ການອອກກຳລັງກາຍແບບຄ່ອຍເປັນຄ່ອຍບໍ່ຕ້ອງຫັກໂຫມ ໂດຍຕ້ອງເລືອກ

ການອອກກຳລັງກາຍແບບແອໂຣບິກ ເຊັ່ນ: ການຍ່າງໄວ, ລອຍນ້ຳ, ຖີບລົດຖີບແບບຢູ່ກັບທີ່, ການອອກກຳລັງກາຍປະກອບເປັນກິດຈະກຳ

ເປັນຫລັກ ຫລື ກາຍບໍລິຫານເຊິ່ງເປັນສິ່ງທີ່ແນະນຳໃຫ້ເຮັດ ເພື່ອລຸດ ແລະ ຫລີກລ້ຽງການເກີດອຸບັດເຫດຕ່າງໆ

ນອກຈາກນີ້ແມ່ນຄວນຫລີກລ້ຽງກິລາທີ່ຈະເຮັດໃຫ້ອຸນຫະພູມຂອງຮ່າງກາຍສູງຂື້ນ ເພາະອາດເປັນອັນຕະລາຍແກ່ລູກໃນທ້ອງ ຈົນເຖິງຂັ້ນເຮັດ

ໃຫ້ພິການ ຫລື ເສຍຊີວິດໄດ້ ແລະ ຄວນດື່ມນ້ຳທຸກ 15-20 ນາທີໃນຂະນະທີ່ອອກກຳລັງກາຍ ເພື່ອຊ່ວຍລະບາຍ ຄວາມຮ້ອນທີ່ສະສົມ

ໃນຮ່າງກາຍອອກໄປ

ດັ່ງນັ້ນ ການອອກກຳລັງກາຍໃນເວລາຖືພາຕ້ອງຄວນປຶກສາທ່ານໝໍ ເຖິງກ່ຽວກັບແນວທາງ ແລະ ຂໍ້ປະຕິບັດທີ່ເໝາະສົມກັບແຕ່ລະບຸກຄົນ ພ້ອມກັນນີ້ຜູ້ຊ່ຽວຊານຍັງເໜັ້ນໜັກເຖິງປະໂຫຍດຂອງການອອກກຳລັງກາຍຂອງຜູ້ຍິງ ທີ່ຖືພາວ່າ: ນອກຈາກຈະຊ່ວຍສ້າງສຸຂະພາບ

ໃຫ້ແຂງແຮງ, ເຮັດໃຫ້ຈິດໃຈແຈ່ມໃສແລ້ວ ການອອກກຳລັງກາຍຈະຊ່ວຍລຸດຄວາມຄຽດຂອງຜູ້ເປັນແມ່ ແລະ ເຮັດໃຫ້ນອນຫລັບສະບາຍ

ຫລາຍຂື້ນຕື່ມອີກ.

"ແມ່ເຮືອນ"… ເໝືອນດັ່ງເສົາຫຼັກ

25 Jun

ຄຳວ່າ “ແມ່ເຮືອນ” ຟັງແລ້ວມັນຮູ້ສຶກອົບອຸ່ນ ຜູກພັນ ເຊື່ອໝັ້ນ ແລະ ມ່ວນຫູດີ ຄອບຄົວໃດກໍຕາມ ທີ່ມີແມ່ເຮືອນເປັນ ເສົາຫຼັກ ສະມາຊິກທຸກຄົນກໍຮູ້ສຶກສະບາຍໃຈ ແຕ່ປັດຈຸບັນ ມີບາງຄົນກໍສະຫຼອກກອກ ຢາກປ່ຽນຊື່ມາເປັນ “ແມ່ບ້ານ” ຍ້ອນລຶ້ງໄປຕະຫຼາດຢູ່ປະເທດໃກ້ຄຽງ ຟັງແລ້ວຍິ່ງຮູ້ສຶກອີ່ດູຕົນຜູ້ຍິງພວກເຮົາຫຼາຍຂຶ້ນ.

ເພາະພຽງແຕ່ດູແລເຮືອນແຕ່ລະມື້ ມັນກໍຫຍຸ້ງຍາກລຳບາກພໍແຮງແລ້ວ ຈະໃຫ້ດູແລບ້ານທີ່ມີເຮືອນເປັນ 400-500 ຫຼັງຄາ ຢ້ານແມ່ຍິງຍິ່ງຈະສັບສົນ ຈົນບໍ່ມີເວລາໄດ້ດູແລຕົນເອງ ສະນັ້ນ ໜ້າທີ່ດູແລເບິ່ງແຍງບ້ານ ຄວນຈະປ່ວຍໃຫ້ເປັນຄວາມຮັບ ຜິດຊອບຂອງນາຍບ້ານເພິ່ນສາ ເພາະມັນມີກົດໝາຍການປົກຄອງທ້ອງຖິ່ນຮັບຮອງແລ້ວ.

ເດືອນກ່ອນໄດ້ໄປຮ່ວມເຝິກອົບຮົມເລື່ອງບົດບາດ ຍິ່ງ-ຊາຍ ເພິ່ນແຮ່ງບິນໄປໄກອີກ ບອກວ່າ: ອາຊີບແມ່ເຮືອນຄວນຈະ ປ່ຽນມາເປັນ “ຜູ້ອອກແຮງງານໃນຄົວເຮືອນ” ວ່າຊັ້ນ ໂດຍໃຫ້ເຫດຜົນງ່າຍໆວ່າ: ສູ່ມື້ນີ້ວຽກເຮືອນ (ແມ່ເຮືອນ) ຜູ້ຊາຍກໍ ໄດ້ຊ່ວຍ ຂ້າພະເຈົ້າບໍ່ຖຽງດອກ ແຕ່ທີ່ຮູ້ສຶກແປກ ແລະ ບໍ່ເຂົ້າໃຈກໍແມ່ນ ບາດທະຫານຫັ້ນເດ ເຫັນມີແຕ່ຜູ້ຊາຍຕວາ ທີ່ເປັນ ແມ່ທັບ ຄືບໍ່ເຫັນເພິ່ນຄິດຢາກປ່ຽນຊື່ມາເປັນ “ພໍ່ທັບ” ແດ່… ເປັນຕາຊັງເນາະ! ໃນວັດຈະນານຸກົມຂອງ ດຣ. ທອງຄຳ ອ່ອນມະນີສອນ ຂຽນວ່າ: ແມ່ເຮືອນ ແມ່ນຜູ້ເຮັດວຽກໃນເຮືອນ ເປັນຄົນດູແລສະມາຊິກ ເບິ່ງແຍງບ່ອນຢູ່ ບ່ອນນອນ ບ່ອນກິນ ຫຼື ແມ່ນຜູ້ເປັນໃຫຍ່ຢູ່ໃນເຮືອນ ພຸ້ນເຫັນບໍ່? ກຽດຕິຍົດ ຊື່ສຽງຂອງແມ່ເຮືອນ ບໍ່ຕ້ອງນ້ອຍໃຈດອກ! ເວົ້າເລື່ອງ ຄວາມຢູ່ດີມີສຸກຂອງຄອບຄົວ ນັບແຕ່ຍາມເຈັບຍາມໄຂ້ (ນັບທັງໄຂ້ກາຍ ແລະ ໄຂ້ໃຈ) ຜູ້ທີ່ຫ່ວງໄຍ ແລະ ເປັນທຸກທີ່ສຸດ ກໍແມ່ນ “ແມ່” ເພາະແມ່ນັ້ນ ເພິ່ນອູ້ມທ້ອງເຮົາມາຕັ້ງເກົ້າເດືອນ ສະນັ້ນ ຄວາມຮູ້ສຶກຜູກພັນເຂົ້າໃຈຈຶ່ງມີຫຼາຍກວ່າ ເພິ່ນຮູ້ຈັກ ສະພາບຮ່າງກາຍ ແລະ ສະພາບຈິດໃຈຂອງລູກແຕ່ລະຄົນ ທັງຮູ້ອີກວ່າຈະຮັບມືແຕ່ລະອາການນັ້ນແນວໃດ? ປິ່ນປົວດ້ວຍ ຢາຫຍັງ ? ຍັງມີແມ່ຫຼາຍຄົນ ສາມາດກາຍເປັນທ່ານໝໍຜູ້ຊ່ຽວຊານປະຈຳຄອບຄົວ (ຂໍໂທດເດີ !) ຍົກເວັ້ນແຕ່ແມ່ຜູ້ທີ່ລ້ຽງລູກ ຕາມມີຕາມເກີດ ຫຼື ລ້ຽງຊື່ໆ ລ້ຽງບໍ່ຮັບຜິດຊອບ ແມ່ປະເພດນີ້ຈະບໍ່ຮູ້ຫຍັງເລີຍ ! ລູກໄປໃສກໍບໍ່ຮູ້ ? ຮຽງໄດ້ທີເທົ່າໃດກໍບໍ່ ສົນ (ອະນາຄົດຂອງມຶງ) ລູກຈ່ອຍແຫ້ງຍ້ອນຫຍັງກໍບໍ່ກ່ຽວ ? ກິນເກມຫັ້ນ “ມັກນະ ? (ເພິ່ນໂຍນຄວາມຜິດ) ເຖິງວ່າ ບົດບາດຍິງ-ຊາຍກຳລັງມາແຮງ ແຕ່ແນວໃດກໍຕາມບົດບາດຂອງຄຳວ່າ ແມ່ ກໍຍັງຕ້ອງສົ່ງເສີມ …

ຂ້າພະເຈົ້າຍັງຈື່ໄດ້ດີ ຕອນລັດຖະມົນຕີຊ່ວຍເພດຍິງຂອງລາວເຮົາ ທ່ານໜື່ງຂຶນປາຖະກະຖາຢູ່ຕໍ່ໜ້າ ບັນດາທ່ານສາດ ສະດາຈານ ດຣ. ແລະ ວິຊາການຊັ້ນຫົວກະທິຂອງໂຮງຮຽນຊື່ດັງແຫ່ງໜື່ງ ຈົນໄດ້ຮັບສຽງຕົບມືສະໜັ່ນຫວັ່ນໄຫວ ຍ້ອນເພິ່ນ ກ່າວປະໂຫຍກໜື່ງວ່າ: “ເຖິງເປັນລັດຖະມົນຕີ ມີຄວາມຮັບຜິດຊອບຕໍ່ໜ້າທີ່ ວຽກງານທີ່ຕ້ອງແບກຫາບ ແຕ່ເວລາກັບເຮືອນ ຂ້າພະເຈົ້າກໍຍັງເປັນ ແມ່ຄົນໜື່ງ ທີ່ຕ້ອງໄດ້ສະແດງຄວາມຮັກ ຄວາມຫວ່ງໄຍຕໍ່ລູກຕໍ່ຜົວ ຂ້າພະເຈົ້າກໍຍັງແມ່ນແມ່ຍິງ ທຳມະດາຄົນໜື່ງ ນັ້ນກໍຄື ແມ່ເຮືອນ” ຄວາມຈິງແລ້ວ ການເກີດມາເປັນລູກຜູ້ຍິງ ມັນແມ່ນການຫອບອູ້ມເອົາຄວາມຄາດ ຫວັງຂອງຄົນຫຼາຍສິບຫຼາຍ ລ້ານ… ຄົນ ທີ່ທຸກກ່ອນໝູ່ ກໍແມ່ນແມ່ຍິງທຸກ ຢ້ານຜົວບໍ່ໄດ້ຢູ່ໄດ້ກິນ ຢ້ານຄົນນິນທາບໍ່ມີໜ້າມີຕາ ໂດຍສະເພາະ ໃນເວລາ ທີ່ມີການເສຍສະຫຼະ (ອອກການ) ກໍຕ້ອງແມ່ນເມຍອອກ ເພື່ອເປີດທາງໃຫ້ຜົວກ້າວໜ້າ ສ່ວນເມຍ ກໍມາເປັນແມ່ເຮືອນ ປານນັ້ນ ຍັງມີຜົວບາງຄົນບອກວ່າ: ເມຍຢູ່ເຮືອນຊື່ໆ ບໍ່ໄດ້ເຮັດຫຍັງ ? ຜົວແບບຊີ້ … ເປັນຕາເອົາ ສາກກະເບືອ ໃຫ້ຖືຍ່າງເລາະບ້ານ ທຸກອີກອັນໜື່ງຂອງແມ່ເຮືອນ ແມ່ທຸກຢ້ານລູກເຕົ້າບໍ່ໄດ້ຮ່ຳບໍ່ໄດ້ຮຽນ ຍິ່ງເປັນແມ່ເຮືອນ ປະເພດມີຜົວເມົາມາເຮືອນແລ້ວ ຊອກຫາເລື່ອງຜິດເມຍຕະຫຼອດ ແມ່ຍິງຍິ່ງທຸກທໍລະມານເຈັບປວດ ຫົວໃຈ ຄຳວ່າແມ່ ກໍຄືຜູ້ “ໃຫ້” ຄືໃຫ້ໄດ້ມີຊີວິດເກີດມາ ໃຫ້ຄວາມຮັກຄວາມອົບອຸ່ນ ໃຫ້ຄວາມເອົາໃຈໃສ່ໃກ້ຊິດສະໜິດສະໜົມ ໃຫ້ຄວາມດູແລເບິ່ງ ແຍງ ສະນັ້ນ ແມ່ຍັງຕ້ອງເປັນເພື່ອນທີ່ໄວວາງໃຈຂອງລູກໆສະເໝີ ເມື່ອລູກມີບັນຫາກໍສາມາດປຶກສານຳໄດ້ທຸກໆເລື່ອງ ໂດຍບໍ່ຢ້ານ ຫຼື ອາຍແມ່ ແຕ່ແນວໃດກໍຕາມ ພໍ່ກໍບໍ່ຄວນຈະເມີນເສີຍ ຫຼື ປ່ອຍປະໃຫ້ແມ່ເຮັດໜ້າທີ່ນີ້ໂດຍລຳພັງ… ພໍ່ກໍຍັງ ເປັນໄດ້ທັງຂາໜ້າ ຂາຫຼັງ ຂາຊ້າຍ ແລະ ຂາຂວາຮ່ວມກັບແມ່ ຈະຂາດຂາໃດຂາໜຶ່ງກໍບໍ່ໄດ້ ເຫັນວ່າຂອນໄຫຼນ້ຳຢ່າຈົ່ມຫຼາຍ ວ່າຂອນໂດກ… ບາງເທື່ອລົງແຊ່ນ້ຳ… ຫຼາຍມື້ຊິບົ່ງໃບ.

Hello world!

17 Jun

Welcome to WordPress.com. This is your first post. Edit or delete it and start blogging!